Ylli i Interit, Lautaro Martinez, vazhdon të mbetet lojtari më i pëlqyer nga Barcelona, e cila synon ta transferojë gjatë afatit të verës.
Sulmuesi argjentinas ka befasuar të gjithë me nivelin e treguar këtë sezon dhe Barcelona po bënë çmos për ta transferuar në Camp Nou.
Është gazetari i mediumit italian Gazetta dello Sport, Nicolo Schira, i cili ka njoftuar interesimin e Barcelonës për yllin e Interit.
Njoftimi i Schiras erdhi me anë të një postimi në profilin e tij në Twitter.
“Barcelona po punon për Lautaro Martinezin. El Toro është zgjedhja e parë e Barçës për verën”.
“Ata i kanë ofruar atij një kontratë deri në vitin 2025 me pagë prej shtatë milionë euro plus bonuse në vit”.
“Interi nuk do të donte ta shiste sulmuesin e tij, por ekziston një klauzolë lirimi prej 111 milionë eurosh”, thuhet në postimin e Schiras.
