Berisha kritikon shokët e ekipit për formën që po tregojnë - Bota Sot
Berisha kritikon shokët e ekipit për formën që po tregojnë

Futboll

Berisha kritikon shokët e ekipit për formën që po tregojnë

Më: 23 shkurt 2020 Në ora: 16:06
Etrit Berisha

Etrit Berisha është i pafuqishëm për të evituar rënien e Spal në Serie B.

Edhe pse është portieri me numrin më të madh të pritjeve në këtë sezon të kampionatit italian, Spal vazhdon të pozicionohet në vendin e fundit të Serie A, pasi mbrojtja fut ujë nga të gjitha anët, ndërkohë që sulmi dhe mesfusha nuk e bëjnë siç duhet detyrën e tyre.

Në një intervistë pas humbjes 1-2 ndaj Juventusit në Ferrara, ka kritikuar shokët e ekipit, për formën që po tregon Spal në ndeshjet e fundit.

NDESHJA NDAJ JUVES- “U përpoqëm të bënim një ndeshje të shkëlqyer. Kundër ekipeve si Juventus duhet të bësh gjithmonë diçka më shumë. Arritëm të bënim mjaft mirë, por për fat të keq nuk ishte e mjaftueshme. Peshoi aftësia e kundërshtarit dhe gabimet tona. Ne kemi humbur disa ndeshje në këtë mënyrë. Nëse duam të fitojmë nuk duhet të bëjmë gabime. Nëse luan mirë për 80 minuta dhe më pas bën një gabim, mund të them se mungon edhe besimi.”

MBIJETESA- “E dimë se jemi në rrugën e duhur. Shpresoj që kjo ndeshje të shërbejë për të na motivuar edhe më shumë. Duhet të besojmë te qëndrimi në elitë dhe të fillojmë të marrim pikë. Po i bashkojmë elementet që na duhen. Trajneri po na ndihmon dhe na bën të kuptojmë se si ai dëshiron të luajmë. Ky modul ndryshon shumë nga ai i mëparshmi, por ekipi është përshtatur shpejt”, përfundoi Berisha.

Shfaq komentet
comments powered by Disqus
Sot mund të lexoni Shfletoni kopertinat