Drenica nga Skenderaj ka fituar tri pikë të mëdha në luftë për të siguruar ekzistencën në IPKO Superligën e Kosovës në futboll. Ata në stadiumin “Bajram Aliu”, triumfojnë me rezultat 3:1 kundër Flamurtarit të Prishtinës, në takimin e javës së 21-të.
Derbi i skuadrave kuqezi u karakterizua me lojë shumë të mirë, ndërsa në shprehje erdhën cilësitë e sulmuesit të Drenicës, Alban Shillova, shënues i dyfishtë. Në minutën e 14-të, Alban Shillova realizon për 1:0 ndaj ish skuadrës së tij.
Gëzimi nuk zgjati shumë, Flamurtari barazon shifrat 1:1 përmes Veton Kabashit pikërisht në minutën e 16-të. Tre minuta pa përfunduar periudha e parë e lojës përkatësisht në minutën e 42-të, Shillova sërish në skenë dhe shënon për 2:1.
Në minutën e 71-të, Hasan Hyseni thellon fitoren e Drenicës në 3:1. Drenica ngritët në vend të shtatë me 27 pikë, ndërsa Flamurtari bie në pozitën e nëntë me 25 sosh. Ndeshje interesante është zhvilluar mes dy skuadrave të fundit të renditjes, Vushtrria që zë vendin e 11-të dhe Dukagjini që është i 12-ti në klasifikim. Dukagjini nga Klina barazoi me rezultat 3:3 me vushtrriasit. Laurant Marmullaku shënon për 0:1 në minutën e 7-të, ndërsa në atë të 15-tën Salinas barazon rezultatin 1:1.
Në fund të pjesës së parë, në minutën e 44-të, Marmullaku shënon përsëri, 1:2. Granit Elezaj në minutën e 63-të shton epërsinë në 1:3. Në minutën e 76-të, Jeton Dushi ngushton rezultatin në 2:3 dhe në çastet e fundit u barazuan shifrat 3:3 përmes Istrefit. Vushtrria zë vendin e 11-të me 16 pikë dhe ka 6 më shumë se i fundit, Dukagjini.
IPKO Superliga e Kosovës
Ballkani-Drita 2:0
Gjilani-Feronikeli 2:1
Trepça '89-Llapi 1:2
Prishtina-Ferizaj 3:1
Drenica-Flamurtari 3:1
Vushtrria-Dukagjini 3:3
Tabela
1. Ballkani 21 13 5 3 44
2. Prishtina 21 12 5 4 41
3. Gjilani 21 13 2 6 41
4. Drita 21 12 4 5 40
5. Feronikeli 21 9 4 8 31
6. Llapi 21 9 4 8 31
7. Trepça ’89 21 7 5 9 26
8. Drenica 21 7 6 8 27
9. Flamurtari 21 7 4 10 25
10. Ferizaj 21 7 1 13 22
11. Vushtrria 21 4 4 13 16
12. Dukagjini 21 2 4 15 10
Në javën e 22-të do të takohen: Drita-Prishtina, Flamurtari-Ballkani, Dukagjini-Drenica, Llapi-Gjilani, Ferizaj-Trepça '89 dhe Feronikeli-Vushtrria.
