Merret vendimi për Kampionatin Shqiptar - Bota Sot
Merret vendimi për Kampionatin Shqiptar

Futboll

Merret vendimi për Kampionatin Shqiptar

Më: 10 mars 2020 Në ora: 12:10
Merret vendimi për Kampionatin Shqiptar

Koronavirusi së fundmi ka mbërritur edhe në Shqipëri ku deri tani janë rregjistruar 6 persona të prekur dhe kjo ka bërë që paniku të jetë i madh.

Ditën e djeshme kryeministri Rama deklaroi se të gjitha aktivitetet ku mblidhen njerëz do të pezullohen, duke përfshirë këtu edhe ato sportive.

Ditën e sotme FSHF-ja ka dalë me një komunikim zyrtar, ku thuhet se të gjitha ndeshjet do të luhen sipas programit, por me dyer të mbyllura.

Njoftim:

Komiteti i Emergjencës në Federatën Shqiptare të Futbollit pas mbledhjes së jashtëzakonshme të zhvilluar ditën e sotme dhe komunikimeve zyrtare me Këshillin e Ministrave ka vendosur të njoftojë klubet se aktiviteti futbollistik në Shqipëri do të vijojë sipas kalendarit zyrtar të parashikuar nga Sektori Garave, por ndeshjet do të zhvillohen me dyer të mbyllura.

Kjo masë është marrë pas vendimit të djeshëm të Ministrisë së Shëndetësisë dhe Mbrojtjes Sociale, si dhe në respekt të ruajtjes së shëndetit publik të sportdashëve dhe të gjithë personave të përfshirë në garën futbollistike në vend.

Federata Shqiptare e Futbollit kërkon mirëkuptimin e të gjithë palëve, si një vlerësim objektiv për situatën në cilën ndodhet vendi.

Shfaq komentet
comments powered by Disqus
Sot mund të lexoni Shfletoni kopertinat