Shumë njerëz në këtë kohë të vështirë për shkak të Koronavirusit, janë izoluar në shtëpitë e tyre, në mënyrë që të mos rrezikojnë nga ky virus famëkeq.
Megjithatë nuk janë i këtij mendimi dy futbollistët shqiptarë që aktivizohen te Hajduku i Splitit, Ardian Smajlaj dhe Emir Sahiti.
Dy lojtarët shqiptarë dëshirojnë që të mbajnë trupin e tyre në formë në këtë moment që kampionati është pezulluar dhe kanë vendosur të dalin për vrap në një nga parqet e qytetit ku ata jetojnë në Kroaci.
Lojtarët duan që të jenë në formë të mirë kur të nisë sërish kampionati dhe për këtë arsye, po stërviten në mënyrë individuale.
