Klubi i Juventusit mund të bëjë një çmenduri për të rikthyer në Torino, Paul Pogba.
Ekipi italian dëshiron të sigurojë shërbimet e kampionit të botës dhe sipas asaj që shkruan Mirror mund të bëjë një lëvizje të papritur.
Kampionët e Italisë janë gati të ofrojnë kartonin e Paulo Dybalasë dhe Miralem Pjaniç për të mbërritur te Pogba. Juventusi e shiti ish-futbollistin e tyre për një shifër rekord prej 90 milionë eurosh te United.
Mediet italiane përforcojnë lajmin e Mirror, pasi Tuttosport hedh bastin se një lëvizje e tillë mund të ndodhë në verë. Gjasat janë që diçka e tillë të mos ndodhë, por ku ka zë nuk është pa gjë.