Në përpjekjet e tyre për të shpëtuar sezonin 2019/20, UEFA ka hartuar plane për të zgjatur sezonin deri në gusht ndërsa shtyen sezonin e ardhshëm, i cili gjithashtu mund të shkurtohet.
Ndikimet e koronavirusit kanë përfshirë deri më tani shtyrjen 12-mujore të EURO 2020, një vendim që i kushtoi miliona euro organizatës evropiane.
Ligat evropiane dhe garat e nokautit janë nën kërcënim serioz për t’u anuluar, me organizatorët që përpiqen të gjejnë një mënyrë për të përfunduar edicionin, për shkak të frikës së televizioneve të cilat mund të heqin dorë nga të drejtat televizive, transmeton lajmi.net.
Sipas Times, UEFA tani po zhvillon plane për të përfunduar sezonin aktual në gusht – kur ishte planifikuar sezoni 2020/21 – dhe fillimi i një sezoni të ri të kondensuar më vonë gjatë vitit.
Presidenti i UEFA-s Aleksander Ceferin tashmë ka lënë të kuptohet se kjo mundësi e përfundimit të këtij sezoni është e mundur, por mbetet akoma e paqartë.
Ndërsa Premierliga është shtyrë deri më 30 prill, La Liga dhe Serie A tashmë janë pezulluar pafundësisht, me Spanjën dhe Italinë si kombet më të prekura të Evropës nga ky virus.
