Propozimin bombastik

Futboll

Propozimin bombastik

Më: 31 mars 2020 Në ora: 13:22
Propozimin bombastik

Në një intervistë për gazetën gjermane “Frankfurter Allgemeine Zeitung”, drejtori ekzekutiv i Bayern Munich, Karl-Heinz Rummenigge, ka zbuluar planin e tij për rifillimin e Bundesligës në javët e ardhshme. Një plan që ngjason shumë me atë të presidentit të Nice, Jean Pierre Rivere: 

“Në mënyrë që të mos shtrembërojmë ligën tonë, është thelbësore që ta përfundojmë këtë sezon. Kjo, gjithashtu, ka të bëjë me mbijetesën e shumë prej klubeve tona, në mënyrë që të shmanget një fatkeqësi e paparë ekonomike. Për këtë arsye mendoj do të ishte e mençur ta zgjatnim vitin fiskal futbollistik 2019-2020 në më të keqen, deri në shtator. 

Rezultati? Starti i sezonit tjetër mund të ndodhë në fillim të dimrit, në mënyrë që lojtarët të përfitojnë nga pushimet dhe nga një përgatitje e mjaftueshme e gjatë. Ky është një skenar krejtësisht i imagjinueshëm”.

Rummenigge pati kritika ndaj presidentit të UEFA-s, Aleksandër Ceferin, i cili foli për fundin e qershorit si afat për një rifillim të mundshëm të sezonit, që përfshin gjithashtu Ligën e Kampionëve dhe “Europa League”: "Kjo lloj deklarate mund të ketë vetëm ndikim negativ, pasi jep një ndjenjë pasigurie dhe çorienton merkaton”. 

Në lidhje me këtë, numri një i bavarezëve ka konfirmuar se kriza shëndetësore e Covid-19 do ta detyrojë Bayernin të marrë një qasje më pak bombastike: “Unë mendoj se tani do të kemi shumë më tepër racionalitet, për sa iu përket transferimeve. Sa iu përket rregullave të “fair play financiar”, besoj fort se ato do të bëhen më pak të ngurta dhe më fleksibël".

commentFirst article
Sot mund të lexoni Shfletoni kopertinat