Ylli i kombëtares së Kosovës, Milot Rashica ka zbuluar dëshirën që ka për të luajtur në klube të mëdha dhe në Ligën e Kampionëve.
Në javët e fundit ka pasur raportime të shumta që kosovari kërkohet nga Liverpool dhe Aston Villa.
Në një intervistë për SID, Rashica ka thënë se dëshiron të luaj në Ligën e Kampionëve dhe kundër lojtarëve më të mirë në botë.
“Dua të luaj kundër lojtarëve më të mirë në botë dhe të luaj në Ligën e Kampionëve vit pas viti”.
“Jam duke punuar shumë dhe e di që mund t’ia dal. Nuk jam duke menduar shumë sepse situata momentale të shpërqendron dhe në fund nuk i ndihmon askujt, as mua dhe as klubit”, deklaroi ai.
Për kartonin e Rashicës duhet të paguhet vlera e 35 milionë euro.
