Ish-ylli i Arsenalit dhe Chelseat, Ashley Cole, u sulmua nga një bandë hajdutësh të maskuar në shtëpinë e tij. 39-vjeçarit iu vodhën disa stoli të shtrenjta.
Disa persona të maskuar u futën duke u depërtuar në pjesën e pasme të ndërtesës.
"Ishte një përvojë e tmerrshme. Grabitësit duhet të kenë qenë profesionistë dhe e dinin saktësisht se çfarë bënin. Ata duhet ta kenë ndjekur Ashley dhe vendin paraprakisht", tha një burim i "The Sun".
Disa burime të prestigjiozes britanike gjithashtu pohuan se Cole ishte kërcënuar dhe lidhur me karrige gjatë grabitjes.
Disa fqinjë konfirmuan se ishin marrë në pyetje nga policia në lidhje me grabitjen, tekasa hetimet po vazhdojnë.
