E mbani mend Joseph Minala? Përpara disa vitesh, më saktë në vitin 2013, mbërriti në Itali te Lazio dhe u përfshi te ekipi i moshave pasi ende nuk ishte mazhoren (vetëm 17 vjeç). Por, menjëherë do të nisnin një lumë akuzash në lidhje me misterin e moshës së tij, pasi pamja e afrikanit ishte si ajo e një 40 vjeçari dhe kurrësesi 17 vjeç.
Këtu nisën problemet dhe kalvari.Lazio u mundua ta mbronte dhe madje publikoi edhe çertifikatë lindje por shumë pak e besuan. Djaloshi shkoi në huazim në Serie B dhe pas 5 eksperiencash u kthye në Romë për t’u ribashkuar me Lazion, që ndërkohë e kishte jashtë projektit. Kështu, u arrit akord me ekipin kinez Qingdao Huanghai FC, skuadër e Chinese Super League, huazim deri në 31 dhjetor 2020, pra në fund të këtij viti.
Por, problemi është se kampionati në Kinë është i bllokuar për shkak të Koronavirusit, ashtu si edhe Minala, që ka mbetur mes katër rrugëve. Dhe, sot Minala është 23 vjeç, nuk është shaka!
