Manuel Neuer nuk ka gjasa të jetë në Bayern Munich sezonin e ardhshëm, pretendon Lothar Matthaus.
Portieri gjerman ka shpresuar të marrë një marrëveshje të re afatgjatë me kampionët e Bundesligës, por kjo nuk ka ndodhur.
Pavarësisht se është 34 vjeçar, portieri që ka kaluar nëntë sezonet e fundit me Bayern thuhet se ka kërkuar një marrëveshje pesë-vjeçare nga klubi i tij aktual.
Megjithatë, kjo kërkesë e tij nuk është pranuar dhe portieri me shumë gjasë do të largohet nga bavarezët pas përfundimit të këtij edicioni.
“Unë mund ta kuptoj dëshirën e tij për siguri dhe një kontratë të gjatë. Por pesë vjet është gjithashtu një kohë e gjatë. Ai siç duhet përmendur nuk duhet të harrojë se sa besnik ishte FC Bayern në çdo fazë. Për të dy palët, do të ishte e mrekullueshme që Manuel të qëndrojë disa vjet më shumë”, tha Matthaus.