Pandemia Covid-19 duket se do të luftohet për një kohë të gjatë.
Derisa kampionatet nacionale vazhdojnë të jenë të suspenduara, në disa vende po flitet për rikthim në fushat e blerta.
Në Itali pritet që stërvitjet të rifillojnë më 3 maj, kurse sezoni të nis nga 31 maji, me shpresën për të përfunduar më 15 korrik.
Por, një gjë e tillë nuk do të ndodhë me tifozë. Sipas raportimeve të ‘Sportmediaset’, futbolli do të luhet pa tifozë deri në janar të vitit 2021.
Me shumë gjasë, të gjitha ndeshjet e mbetura të këtij sezoni do të luhen me dyert e mbyllura.
