Barcelona ka paralajmëruar se do të ndërmarrë veprime ligjore kundër ish zv.presidentit Rousaud.
Emili Rousaud, ish zv.presidenti i Barcelonës, ka shpërthyer në akuza kundër Josep Bartomeu, presidentit aktual të skuadrës katalane.
Akuzat ishin të rënda, përfshirë korrupsionin. Pas këtyre ngjarjeve, Rousaud ka dhënë dorëheqje nga posti i tij, por akuzat i vazhdoi edhe më pas.
Ndaj ish zv.presidentit ka reaguar edhe skuadra e Barcelonës, e cila ka paralajmëruar së do të ndërmarrin hapat e duhur ligjorë.
“Bordi i drejtorëve të Barcelonës mohon kategorikisht secilin aksion që mund të përshkruhet si korrupsion dhe janë në pajtim që të përgjigjen në mënyrën ligjore”, thuhet në mes tjerash në njoftimin e Barcelonës.
Akuzat e fundit të Rousaud kanë dëmtuar imazhin e Bartomeut, por edhe të skuadrës katalane.
Mbetet të shihet se çfarë hapa do të bëj Barcelona në këtë luftë mediale.
