Shtohet numri i skuadrave që kërkojnë të transferojnë Milot Rashicën. Pas interesimit të Arsenalit për të siguruar shërbimet e “yllit” të përfaqësues së Kosovës, në skenë janë shfaqur të tjerë kandidatë.
Borussia e Dortmundit është një prej tyre. Aftësitë teknike të sulmuesit janë perfekte për skemat e verdhezinjve, Rashica mund të luajë në të dy krahët e sulmit, madje mund të përshtatet edhe në qendër. Dortmundi e sheh Rashicën si pasuesin ideal të Jadon Sanchos, nëse ky i fundit largohet.
Në Angli pretendët janë më të shumtë. West Ham United, Aston Villa, Wolverhamtpon, madje edhe Liverpooli. Për shkak të krizës financiare që ka shkaktuar COVID-19 jo të gjithë të interesuarit mund të arrinë kenë mundësi fianciare për të marrë Rashicën, ndërsa vetë protagonist “dardan” dëshiron të jetë pjesë e një klubi që luan në Champions.
Rashica ka klauzolë largimi 38 milionë euro në kontratën me Werder Bremenin, shifër që mund ta paguajnë vetëm klubet me buxhet të lartë.