Ekipi i Interi në këtë merkato do të ketë mundësinë për të tërhequr ndonjë prej xhevahirëve të Barcelonës , në rast se realizohet transferimi i Lautaro Martinezit në “Camp Nou”.
Së fundmi është folur shumë për Antoin Grizmann, por francezi paguahet aktualisht 17 milionë euro në sezon, ndërsa te Interi maksimumin nuk i kalon 10 milion. “Zikaltërit” vuajnë për një mesfushor që bën diferencën dhe objektivi i tyre prej kohësh ishte Arturo Vidal.
Megjithatë, tashmë sytë kanë kaluar nga Arthur. Braziliani i ka të gjitha në favor duke filluar me moshën, cilësinë në këmbë dhe grintën në mesfushë.
Megjithatë për të plotësuar transferimin nuk do jetë e lehtë pasi Artur nuk ka dhënë shenja se kërkon të largohet nga Barcelona.
