Koronavirusi ka goditur në aspektin ekonomik të gjitha fushat e jetës dhe midis tyre edhe botën e futbollit.
Një nga vendet e prekura nga koronavirusi si në jetën e përditshme ashtu edhe në fushën ekonomike është edhe Franca.
Eurodeputeti Daniel Cohn-Bendit për të treguar gjendjen ekonomike në Francë ka marrë si shembull futbollistin Kylian Mbappe.
“Për shkak të koronavirusit, Kylian nuk do të vlejë më shumë se 35-40 milionë, jo më 200. Kjo krizë do të zhdukë mungesën e arsyes nga sporti profesionist”.
“Është si të kishte ndodhur një sulm nuklear dhe të na duhej të rindërtonim gjithçka nga e para, por mbi baza të tjera. Duhet të spastrojmë sistemin e menaxherëve, të atyre që bëjnë marrëveshje të çmendura në botën e futbollit: nuk besoj se lojtarët luajnë më keq vetëm sepse paguhen më pak”, është shprehur Bendit.
Kujtojmë se sipas Transfermarkt, vlera aktuale e Mbappe në treg është 180 milionë euro.
