Trajneri i Belgjikës, Roberto Martinez thotë se Eden Hazard brenda pak ditëve do të dalë në fushë për të vrapuar.
Rikuperimi i Eden Hazard është duke shkuar shumë mirë.
Është trajneri i Belgjikës, Roberto Martinez, ai që ka dhënë lajmin e mirë për tifozët e Real Madridit, që s’kanë nevojë të presin sezonin e ardhshëm ta shohin sërish në fushë Hazardin, pasi belgu do të jetë gati deri në fillim të qershorit.
“Shërimi i Eden po ecën mirë. Ai nuk ka pasur probleme dhe brenda pak ditëve do të vrapojë përsëri”, tha Martinez.
“Ne e dimë që ai do të kthehet më i fortë. Ai ishte me fat që operacioni u zhvillua pak para ndërprerjes së futbollit për shkak të koronavirusit”.
Duke parë që UEFA po insiston për rinisjen e Ligave, dhe nuk pritet të ndodhë të paktën deri në fillim të muajit qershor, 29-vjeçari duket se do të ketë shansin që ende këtë sezon të tregojë veten dhe të ndihmojë Realin të fitojë titullin në Spanjë.