Jose Mourinho ka vendosur që të jetojë në qendrën stërvitore të Tottenhamit këto kohë pandemie së bashku me stafin e tij më të ngushtë, për t’i qëndruar sa më larg familjes.
Ditën e shtunë, tekniku portugez u fotografua teksa bënte një xhiro i shoqëruar nga stafi i tij në qendrën stërvitore të “Spursave”, ku ai ka vendosur të jetojë prej disa ditësh.
Mou u fotografua nën shoqërinë e trajnerit të portierëve Nuno Santos dhe takticienit Rikardo Formosinjo.
Portugezi është kritikuar në fillim të këtij muaji pasi theu rregullat e izolimit të vendosura nga qeveria, duke mbajtur një seancë stërvitore në një park publik të Londrës për mesfushorin Tangui Ndombele.
