Legjenda gjermane dhe ish-portieri i Arsenalit, Jens Lehmann, ka folur pasi e tejkaloi me sukses koronavirusin.
Sipas tij, pandemia Covid 19 për të ishte më i lehtë se gripi i zakonshëm, por ka bërë ftesë që personat me rrezik eventual të kenë kujdes të shtuar.
“Koronavirus? Jam infektuar.
Në mes të të muajit të kaluar vuajta nga kolli dhe një temperaturë e lehtë për pak më shumë se një ditë. Pas dy javësh në karantinë, më deklaruan si shëndetplotë. Sëmundja ishte më e lehtë se gripi.
Por, personat në rrezik duhet të kenë kujdes. Mendoj se një stil jetese i shëndetshëm ndihmon në luftën kundër kësaj sëmundje”, ka thënë Lehmann.
