Ende nuk dihet sesi do të rrjedhin gjërat në Premier Ligë sa i përket zhvillimit të ndeshjeve në terene neutrale.
Kjo për shkak se disa skuadra po e shohin me skepticizëm këtë mundësi, andaj edhe pritet të votojnë kundër.
Për të kaluar propozimi i federatës angleze që ndeshjet të luhen në fusha neutrale, 14 skuadra, pra 2/3 e totalit duhet të votojnë pro këtij ndryshimi.
Megjithatë, sipas “Sky Sports”, ekipet si Brighton, West Ham, Watford, Bournemouth, Aston Villa dhe Norwich janë goxha të rezervuara, teksa ky projekt i paraparë duket se nuk po i bind edhe aq.
Duke parë situatën si të tillë, krerët e Premier Ligës kanë paralajmëruar masa të rrepta për ekipet që nuk e votojnë këtë vendim, madje jo vetëm me rënie nga liga, por parashihet edhe pasoja tjera.
Takimi i radhës i organeve kompetente të FA-së me klubet e Premier Ligës do të mbahet të hënën.
