Ish-trajneri i Chelseat, Antonio Conte e ka përshkruar N’Golo Kante si “një nga lojtarët më të mirë” që ai ka trajnuar ndonjëherë, ndërsa theksoi aftësitë “e mahnitshme” të francezit.
Kante ishte një nga nënshkrimet e para të Conte në ‘Stamford Bridge’, pasi Blutë shpenzuan 32 milionë funte për të joshur mesfushorin nga Leicester në verën 2016.
Fituesi i Kupës së Botës që prej asaj kohe ka bërë 164 paraqitje në të gjitha garat për Chelsea, duke shënuar 11 gola, ndërsa shtoi një titull të dytë të Premierligës, FA Cup dhe Ligën e Evropës.
”Sipas mendimit tim, ai mund të luajë në çdo pozicion në mesfushë. Ne po flasim për një lojtar të mahnitshëm, një lojtar më të mirë”, tha Conte për Sky Sports.
“Ai është i mahnitshëm me topin dhe pa topin. Kur ju keni N’Golo në ekipin tuaj, mund të mendoni se po luani me një lojtar më shumë”.
“Ju mund të gjeni një buzëqeshje në fytyrën e tij çdo ditë. Ai është një djalë shumë pozitiv. Ai është një nga lojtarët më të mirë që kam pasur në karrierën time si trajner”, vazhdoi italiani.
