Futbolli spanjoll po vijon punën për rikthimin e skuadrave në fushën e lojës

Futboll

Futbolli spanjoll po vijon punën për rikthimin e skuadrave në fushën e lojës

Më: 16 maj 2020 Në ora: 13:38
Futbolli spanjoll po vijon punën për rikthimin e skuadrave në fushën e lojës

Futbolli spanjoll po vijon punën për rikthimin e skuadrave në fushën e lojës.

Presidenti i La Liga, Javier Tebas ka zhvilluar një takim me përfaqësuesit e skuadrave të Primera dhe Segunda Division për të studiuar etapat e rifillimit të kampionateve me synim që të kufizohet sa më shumë rreziku mbi shëndetin e futbollistëve dhe punonjësve të tjerë duke evituar zonat publike.

Palët kanë arritur një marrëveshje për këtë plan që do t’i prezantohet komisionit për shëndetin publik, por që mund të shoqërohet me modifikime të tjera.

Sipas asaj që publikohet në median spanjolle, La Liga ka propozuar që skuadrat të udhëtojnë për sfidat e tyre në transfertë ditën e ndeshjeve me fluturime charter të cilat do të sigurohen nga vetë Liga.

Më parë La Liga kishte propozuar ndihma ekonomike për klubet përsa u përket pagesave të hotelit për grumbullimet e futbollistëve për një kohë të gjatë, një propozim që u refuzua nga vetë futbollistët.

Në këtë mënyrë, La Liga mendoi që këto fonde të akordohen për fluturimet Charter të skuadrave që do të luajnë ndeshjet e kampionatit në çdo 72 orë.

commentFirst article
Sot mund të lexoni Shfletoni kopertinat