Edhe zyrtarisht ka rinisur futbolli në Gjermani pas pezullimit prej dy muaje si rezultat i pandemisë së koronavirusit.
Në ndeshjen e sotme që po zhvillohet në Bundesliga 2, në mes të Aue dhe Sandhausen është parë një karton i kuq qysh në minutën e 4-të.
Kapiteni i skuadrës mysafire të Sandhausen, Dennis Diekmeier u ndëshkua me të kuq ende pa bërë mirë katër minuta ndeshje.
Një minutë më pas skuadra e tij pësoi golin e parë në ndeshje.
Kurse, nga fillimi këtë ndeshje për Sandhausen po e luan futbollisti i Kosovës, Leart Paqarada.
Ndërsa, Besar Halimi gjendet në bankën e rezervistëve.
