Njeri me vlera të mëdha kombëtare! Personalitet që dha shumë për Kosovë, jo vetëm ai por edhe familja e tij!
Intelektual i shquar! Fjalë pak, gjithmonë i qetë, i cili në vitet e 90-ta ka ecur sikur nëpër teh të shpatës, gjithnjë halë në sy për pushtuesin serb.
Është Haki Demolli, veprimtar i shquar i futbollit, i cili në vitet e 90-ta ka qenë vëzhgues i futbollit. Një foto që na siguroi gjyqtari i futbollit i asaj kohe, Ilijaz Spahiu, shihet Haki Demolli, vëzhgues në sfidën më problematike dhe më trishtuese të viteve 1991-1999.
Në Hogosht, ku ishin rreth 10 mijë shikues të tubuar në takimin Kitka (më vonë Kika) dhe Prishtina, e javës së 17-të të Superligës së Kosovës, që u zhvillua me 17nëntor të vitit 1996.
Në vitin 2010, Demolli ministër i Drejtësisë
Ndeshje e turpit u quajt atëkohë, pasi që me të përfunduar sfida shikuesit e Hogoshtit e rrahën gjyqtarin Spahiu dhe sulmuan edhe lojtarët e Prishtinës!
Hakiu, pas luftës ka qenë i angazhuar me tërë energjinë e tij në futboll dhe në organet e FFK-së (nënkryetar i FFK-së 2000-2008), pastaj në vitin 2010 u bë ministër i Ministrisë të Drejtësisë dhe në vitin 2014 u emërua ministër për Forcën e Sigurisë së Kosovës.
