Futbollisti i Kosovës, Milot Rashica, ka marrë njërin ndër lajmet më të mira të jetës, derisa në mesditën e së martës (19 maj) është bërë prind për herë të parë.
Miloti është bërë baba i një djali, i cili ka lindur këtë mesditë.
Tiani është anëtari më i ri i familjes Rashica. Lajmin e kanë konfirmuar dy prindërit e ri në rrjetet sociale.
“Mirëseerdhe në botë, djaloshi im. Të duam Tian Rashica”, ka shkruar partnerja e Milot Rashicës, Belkiz Kera në Instagram.
Kujtojmë që Miloti është i lidhur prej kohësh dhe bashkëjeton me partneren e tij.
