Real Madrid kërkon një super sulmues për sezonin e ardhshëm dhe do të bëjë çmos për t’ia çuar Zinedine Zidane (sigurisht, nëse ky i fundit do të vazhdojë të jetë në stol).
Shumë emra kanë qarkulluar, nga Harry Kane te Haaland dhe Mbappe, por sipas asaj që shkruan “The Sun”, në preferencat e fundit të galaktikëve është Sadio Mane i Liverpool.
Afrikani ka humbur entuziazmin e përhershëm te “reds” dhe kjo, sipas mediave britanike, lidhet me faktin se në vlerësimin për Topin e Artë trajneri i tij, Jurgen Klopp, ka votuar për Van Dijk.
Por, duke qenë se ish-sulmuesi i Southampton ka një kontratë deri në vitin 2023, do të duhen të paktën 120-140 mln euro për të bindur të kuqtë.
