Legjenda e futbollit të Kosovës, Esat Mehmeti, ish portier i mirënjohur, ka thënë se tek ne kur vdes merr mirënjohje e lëvdate, sa të jesh gjallë as që të njohin! Ai tha se, Ertan Xhihiqi ka dhënë shumë në kohën e okupimit por edhe në vitet e pasluftës.
“Ertani, në kohën e okupimit i dha shumë kësaj treve. Sigurisht kur të analizohet sot, të gjithë ata që ishin afër tij apo lojtar e trajner në klubin Besiana, e din më mirë se unë!? Lojtarët e Besianës kanë qenë të paguar, më shumë se sot!?
E di që një muaj rroga e kontrata i ka pagua 80 mijë marka. E di që lojtarët e trajnerët kanë pas rekuizita e fanella më të mira se reprezentacioni i jonë sot...! E di që, për ndërkombëtarizim i solli dy ekipe, njërën nga Sarajeva, tjetrën nga Turqia e që i kanë kushtua mbi 100 mijë marka etj.!? Shumë familje kanë jetuar, po edhe sot janë bë milionerë nga Ertani...
E ndihmoj UÇK-në...Me një fjalë Ertan Xhihiqi e shkriu tërë pasurin e vet...!?
Ndoshta, kur të vdes do të merr mirënjohje e lëvdata pa masë! E sot a po thërret kush, apo e përmend kush, a po pyet ku është Ertani, Bezi, Shuku, Galani etj. Respekt e nderë nga ana ime”, komenton Mehmeti.
