Gjilani ka testuar për Covid-19 disa prej futbollistëve të skuadrës.
Shtatë anëtar të SC Gjilani janë testuar për koronavirus, dhe për rezultatet e tyre ka njoftuar faqja zyrtare e Gjilanit.
Oltion Rapa, Shkëlzen Ruçi, Gerhard Progni, Fjoard Jonuzi, Sebino Plaku, Franc Veliu (lojtarë) dhe kryetrajneri Gentian Mezani janë ata që iu kanë nënshtruar testeve.
Testet i ka kryer IKSHPK dhe të gjitha rezultatet kanë dalë negative.
Më poshtë lajmi.net ua përcjell njoftimin e plotë të SC Gjilani.
NJOFTIM
Sot, futbollistët tanë Oltion Rapa, Shkëlzen Ruçi, Gerhard Progni, Fjoart Jonuzi, Sebino Plaku, Franc Veliu dhe kryetrajneri Gentian Mezani, kanë kryer testet për COVID-19 dhe të cilët të gjithë kanë rezultuar negativ.
Testet e kryera sot, nga Instituti Kombëtar i Shëndetit Publik i Kosovës, u japin dritën e gjelbërt futbollistëve dhe kryetrajnerit, që pas një jave në izolim në qendrën studentore në Prishtinë, të lirohen dhe të vazhdojnë izolimin në shtëpitë e tyrë.
Gjithashtu pas testimeve të kryera ditën e djeshme në Maqedoni dhe Mal të Zi, kanë rezultuar negativ edhe futbollistët, Muhamed Useini dhe Darko Nikaç.
SC Gjilani
Gjilan, 21 Maj 2020
