Rreziku i dëmtimit të lojtarëve pas ndërprerjes së kampionatit prej mëse dy muajsh e ka detyruar teknikun e Juventusit Mauricio Sarri të grumbullojë me ekipin e parë 9 futbollistë nga skuadra e të rinjve.
Sipas mediave pranë “Zonjës së Vjetër” “juvelive.it” dhe “ilbianconero” , mes 9 lojtarëve të Juventus Primavera është dhe sulmuesi Shqipërisë Xhakomo Vrioni.
Pasi është miratuar përdorimi i 5 zëvendësimeve për skuadrat, tekniku bardhezi po studion dhe të rinjtë e Juventusit dhe disa prej tyre ndoshta do të kenë mundësinë të thirren me ekipin e parë gjatë vazhdimit të Serisë A.
Ky është një rast ideal për 21-vjeçarin Vrioni të bindë teknikun italian.
