“Plisat” njihen si njëra prej tifo-grupeve më të mira në trojet shqiptare.
Që prej vitit 1987 kur janë themeluar, “Plisat” i kanë qëndruar gjithmonë besnik klubit të Prishtinës.
Madje, tifozët prishtinas nuk kanë hezituar ta përcjellin nga afër skuadrën e zemrës edhe në kohën e ish-Jugosllavisë kur FC Prishtina garonte në elitë.
Ata ishin të pranishëm edhe në stadiumin “Marakana” në Beograd.
Në rrjetin social “Facebook”, tifo-grupi kryeqytetas ka publikuar pamje të tifozëve nga ndeshja kundër Crvena Zvezdës.
Ndeshjen në fjalë, FC Prishtina e kishte fituar me rezultat 3:1 në mes të Beogradit.
“Pamje të rralla nga Stadiumi në Beograd – Marakana.
Tifozët e flaktë të Prishtinës me rekuizita në pjesën veriore të stadiumit.
Në këtë ndeshje Prishtina triumfoi me rezultat 1-3 midis Beogradi, ndaj ekipit të Yllit të Kuq.
Prej vitit 22′ historia jena na!”, thuhet në njoftim.
