Ylli i Barcelonës, Lionel Messi ka folur sot për përhapjen e pandemisë Covid-19, e cila ka pasur një ndikim të madh në çdo fushë të jetës, përfshirë dhe futbollin.
Sipas numrit 10 të Barcelonës dhe gjashtë herë fituesit të Topit të Artë, diçka e tillë ishte paralajmëruar, por askush nuk i mendonte të tilla pasojat.
“Jam i sigurt se asnjë prej nesh nuk e mendonte se diçka e tillë do të ndodhte”, ka thënë Messi.
“Disa njerëz kishin paralajmëruar botën për përhapjen e ndonjë pandemie, por nuk e kisha imagjinuar se do të kishte këtë ndikim që po tregon. Një impakt shumë i madh, që po ndikon në të gjithë botën”, u shpreh Messi.
Kampionati në Spanjë, ashtu si në çdo vend tjetër, ka më shumë se dy muaj i ndërprerë.
Gjermania ka rifilluar futbollin, ndërsa vetë La Liga, pritet të rifillojë me datë 8 qershor.
