Federata italiane ka dalë me një projekt të quajtur “Të shpëtojmë futbollin” ku rreth 21,7 mln euro do shpërndahen për të ndihmuar klubet e vogla që militojnë në kategoritë ë ulëta të futbollit italian.
Në një deklaratë Federata zbulon planin sesi do i shpëtojë ligat e ulëta dhe skuadrat që luajnë në to. “Aprovimi final do dërgohet në këshillin federal më 8 qershor”, lexohet në deklaratë.
Federata italiane e futbollit do ndihmojë në mënyrë financiare klubet e futbollit në Seria B, Seria C, ligat amatore dhe futbollin e femrave pas krizës që la pas Koronavirusi.
Ja se si do ndahen fondet e federatës për të mbështetur ekipet në kategoritë e ulëta:
Mbi 5 mln euro ndihmë do marrin ekipet e Seria B
Mbi 5 mln euro ndihmë do marrin ekipet e Seria C
Mbi 5 mln euro ndihmë do marrin ligat amatore
Mbi 3 mln euro do marrin lojtarët dhe stafet e të gjitha ekipeve, dhe 700,000 euro ndihmë financiare do marrë futbolli i femrave.