Manchester City do të duhet të presë edhe dy muaj për të zbuluar nëse ankesa e tyre kundër pezullimit nga Liga e Kampionëve do të marr një epilog tjetër.
“Qytetarët” janë ankuar për dënimin dy vjeçar nga UEFA për mos pjesëmarrje në garat evropiane, për shkeljen e rregullave të ndershme financiare, dhe të dy palët do të paraqiten në gjykatë javën e ardhshme.
Çështja e kampionëve në fuqi të Premierligës ndodhet për shqyrtim në CAS.
Për fatin e Manchester Cityt do të vendoset brenda dy muajve, para fillimit të sezonit të ri.
Nëse apeli i Cityt dështon edhe në CAS, atëherë vendin e tyre në Ligën e Kampionëve do ta zë skuadra që renditet në vendin e pestë në Premierligë.
