Paulo Dybala nuk është akoma i gatshëm 100%.
Ylli i Juventus, Dybala, ishte një nga lojtarët që vuajti më së shumti nga Covid-19.
Argjentinasi u përballë për disa javë radhazi, dhe bashkë me të, infektim kishte edhe e dashura e tij, duke vështirësuar kështu betejen.
Pak ditë para rifillimit të sezonit, Dybala ka dhënë disa komente lidhur me formën e tij, duke thënë se akoma nuk ndihet mjaftueshëm mirë.
“Unë kisha koronavirusin, por unë ndihem shumë më mirë tani”, ka thënë Dybala.
“Unë nuk jam akoma 100% i gatshëm, por jam mirë. Ne kemi filluar stërvitjet përsëri dhe futbolli po kthehet, së shpejti do të jemi të gatshëm të bëjmë atë që duam më shumë”, shtoi argjentinasi.
Juventus sfidën e parë do ta ketë kundër skuadrës së Milan, në kuadër të gjysmëfinales së Kupës së Italisë.
