“Rrahmani një nga mbrojtësit më të mirë në Itali, Napoli bëri mirë që e bleu” - Bota Sot
“Rrahmani një nga mbrojtësit më të mirë në Itali, Napoli bëri mirë që e bleu”

Futboll

“Rrahmani një nga mbrojtësit më të mirë në Itali, Napoli bëri mirë që e bleu”

Më: 15 qershor 2020 Në ora: 19:55
Amir Rrahmani

Edy Reja i kërkon Napolit të konfirmojë Elseid Hysajn, emri i të cilit prej një kohe të gjatë përflitet se do ta vijojë gjetkë karrierën.

73-vjeçari, duke folur për radio Kiss Kiss, kujtoi se kapiteni kuqezi po bën shumë në Kombëtare Shqiptare.

Ndërkohë, ai thuri lavde edhe për kapitenin e Kombëtares së Kosovës, Amir Rrahmani.

“Hysaj? Po bën shumë mirë nën drejtimin tim në Kombëtare. Mendoj që është një futbollist që duhet të konfirmohet te Napoli. Me Gattuson po luan më shumë. Në fillim qahej, sepse me Ancelottin luante shumë pak.”Reja nuk i ka kursyer lëvdatat as për Amir Rrahmanin, i cili, sapo të mbyllet sezoni, do të jetë nën urdhrat e Gattusos te Napoli.”

“Rrahmani është një futbollist shumë i mirë, Napoli bëri mirë që e bleu. Ka marrë një nga mbrojtësit më të mirë që luajnë në Itali, edhe sepse luan në mbrojtjen me tre.”

Trajneri i Shqipërisë theksoi gjithashtu që Rino Gattuso ka zgjidhur shumë probleme te Napoli.

“Po shoh një Napoli krejtësisht ndryshe nga skuadra që la Ancelotti. Gennaro Gattuso zgjidhur shumë probleme, skuadra mbyllet mitë në mbrojtje dhe riniset me shpejtësi. Trajneri kalabrez po tregon se është shumë i zoti nga pikëpamja taktike.”

Shfaq komentet
comments powered by Disqus
Sot mund të lexoni Shfletoni kopertinat