Ditë më parë u konfirmua kalimi i Timo Werner te Chelsea nga Rasenball Sport Leipzig për shumën e 53 milionë eurove.
Nuk ka dyshime se gjermani do të jetë titullar te Chelsea, mirëpo do të ketë problem me zhurmën e tifozëve në Ligën Premier.
Tashmë është bërë e ditur se lojtari nuk mund të durojë zhurmën e tepërt që krijohet nga tifozët nëpër stadiume, shkaku i sëmundjes në veshët e tij.
Ishte viti 2017, kur RB Leipzig kishte përballë Galatasarayn në Ligën e Kampionëve dhe Werner ishte zëvendësuar shkaku i zhurmës së madhe të krijuar nga tifozët e skuadrës turke në Vodafone Park Stadium.
Sulmuesi shihej që gjatë minutave të luajtur, mbante veshtë me duar dhe nuk mund t’i duronte dhimbjet, duke u detyruar të zëvendësohej.
Werner ka kaluar nëpër një super-formë këtë edicion duke shënuar 25 gola në 29 paraqitje në Bundesliga dhe ka shënuar katër herë në Ligën e Kampionëve.