Brighton fiton në ‘frymën’ e fundit, Arsenal thellon krizën

Futboll

Brighton fiton në ‘frymën’ e fundit, Arsenal thellon krizën

Më: 21 qershor 2020 Në ora: 00:15
Foto

Dy ndeshje dhe po kaq humbje për Arsenalin në këtë rikthim të futbollit në Angli pas ndërprerjes për shkak të COVID-19. “Topçinjtë” dështuan të merrnin pikë në fushën e Brigthonit, me vendasit që siguruan një fitore (2-1) shumë të rëndësishme për mbijetesë në frymën e fundit.

Londinezët, në fakt, udhëtonin me plot 7 mungesa për këtë transfertë, ku spikatnin Granit Xhaka, Sokratis, Soares e Mari të dëmtuar, apo David Luiz i pezulluar për shkak të kartonit të kuq që mori në humbjen 3-0 përballë Manchester City-t pas ditë më parë.

Pas një pjese të parë të ekuilibruar në rezultat, takimi u zhbllokua nga Pepe i Arsenalit në minutën e 68-të, por miqtë nga Londra nuk patën kthjelltësinë për ta mbajtur gjatë epërsinë. Në minutën e 75-të Dunk barazoi shifrat, ndërsa në minutën e pestë shtesë, Neal Maupay, i shërbyer nga Connolly, shënoi një gol me shumë peshë për Brightonin, që në fund të kampionatit mund të rezultojë vendimtar për mbijetesën.

Arsenali mbetet në kuotën e 40 pikëve, shumë larg Manchester United (46 pikë), që mban pozicionin e fundit (4) që u jep mundësi skuadrave angleze për të luajtur në Champions.

Nga ana tjetër Brightoni i largohet zonës së ftohtë, por ende mbetet i rrezikuar për të rënë një kategori më poshtë.

commentFirst article
Sot mund të lexoni Shfletoni kopertinat