Superliga e Kosovës do të rikthehet gjatë ditës së sotme në kuadër të xhiros së 26-të, ku na presin ballafaqime mjaft interesante.
Vëmendja mbetet në Vushtrri, aty ku skuadra lokale do të përballet me Dritën lidere. Vendasit pothuajse janë jashtë Superligës edicionin e ardhshëm, por do tentojnë të shkaktojnë befasinë kundër ‘Intelektualëve’, që janë në krye të tabelës.
Gjilani po ashtu përballet me një skuadër që nga sezonin i ardhshëm garon në Ligën e Parë. Skuadra e Gentjan Mezanit udhëton në Klinë për t’u përballur me Dukagjinin.
Por ndeshja më interesante mbetet ajo mes Trepçës ’89 dhe Flamurtarit, sfidë e cila mund të vendosë shumëçka sa i përket rënies nga liga.
Të gjitha ndeshjet fillojnë në orën 16:45.
