Reagon talenti i Tiranës: E vërteta me Dinamo Zagreb - Bota Sot
Reagon talenti i Tiranës: E vërteta me Dinamo Zagreb

Futboll

Reagon talenti i Tiranës: E vërteta me Dinamo Zagreb

Më: 25 qershor 2020 Në ora: 15:15
Reagon talenti i Tiranës: E vërteta me Dinamo Zagreb

I kënaqur për golin ka qenë në fund të takimit Ernest Muçi. Për “Panorama Sport” ai u shpreh se nuk mendon për transferimin, por për t’u shpallur kampion i Shqipërisë me Tiranën.

“Unë jam futbollist i Tiranës dhe këtu e ndiej veten shumë mirë e mjaft komod dhe për më tepër që presim të shpallemi kampion.

Normalisht që kam oferta, por nuk kam asnjë kontakt konkret me asnjë klub, përfshi edhe Dinamon e Zagrebit, pasi kampionati ka shumë javë dhe deri në fund dua të jem i qetë.

Sapo të mbyllet sezoni dhe të startojë merkatoja, atëherë mund të nis kontaktet, deri në mbyllje të sezonit ‘no comment’! Sa për golin që i shënova Besëlidhjes, jam shumë i lumtur, pasi pas dy muajsh u ktheva te goli. Kam pasur probleme dhe kjo më rriti besimin në vetvete për formën që kam tani”, mbylli Ernest Muçi.

Shfaq komentet
comments powered by Disqus
Sot mund të lexoni Shfletoni kopertinat