Sarri: Ronaldo më befasoi, Dybalan e binda për rolin e ri - Bota Sot
Sarri: Ronaldo më befasoi, Dybalan e binda për rolin e ri

Futboll

Sarri: Ronaldo më befasoi, Dybalan e binda për rolin e ri

Më: 5 korrik 2020 Në ora: 08:25
Ronaldo dhe Sarri

Trajneri i Juventusit, Maurizio Sarri, beson se ka qenë në gjendje ta bindë Paulo Dybalan për të marrë rol të ri në fushë dhe tregon sesi mbeti i habitur nga Cristiano Ronaldo.

Juventusi e mundi bindshëm 4:1 Torinon falë golave nga Dybala, Juana Cuadrado, Ronaldo dhe një autogol i Koffi Djidji.

Por Sarri thotë se nuk priste rezultat të lehtë në derbin e Torinos.

“Ne e dinim se nuk do të ishte ndeshje e lehtë, ne kaluam në epërsi herët dhe se shpejti e dyfishuam epërsinë”, tha Sarri.

Goli i Ronaldos ishte i pari nga gjuajtja e lirë në fanellën e Juventusit, pas plot 43 tentimeve në të gjitha garat.

“Sinqerisht nuk mendoja se kjo po e shqetësonte atë, por në fund të ndeshjes ai tha: ‘Më në fund!’” tregoi Sarri.

“Jam raporte të forta me Dybalan, kurrë nuk kam dyshuar në të. Sezonin e kaluar ai ishte i pafat. Mendoj se ia kam dalë ta bind se ai duhet të luajë më afër Ronaldos dhe jo të kthehet aq shumë në pjesëfushën tonë për ta marrë topin”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat