Llapi do ta pres sot në shtëpi Dritën, që kryeson tabelën, në xhiron e 28-të të Superligës së Kosovës.
Gjilanasit do të kërkojnë fitoren e radhës për të vazhduar rrugëtimin drejt titullit kampion.
Ndërkohë, Llapi tashmë ka mbetur pa objektiva pasi që i ka humbur shpresat për të dalë në garat evropiane.
Grupi i tifozëve të Llapit, “Legjendat”, ka kërkuar nga futbollistët e skuadrës së tyre që të angazhohen maksimalisht ndaj gjilanasve.
Sot skuadra jonë e qytetit, e zemrës dhe gjithë llapjanëve KF Llapi zhvillon ndeshjen e radhës kampionale kundrejt rivalit nga Gjilani, FC Drita. Presim angazhim maksimal drejt fitores nga djelmoshat tanë”, ka shkruar ky grup i tifozëve në faqen e tij zyrtare në rrjetin social “Facebook”.
