Barcelona ka prodhuar paraqitjen më të mirë deri më tani në këtë edicion në fitoren 4-2 ndaj Villarealit në fundjavën e kaluar.
Quique Setien ishte i dëshpëruar në kërkim të një skeme të re dhe duket se tashmë atë e ka gjetur në javën e kaluar.
Sipas asaj që raporton Mundo Deportivo, trajneri mund të luajë nga tani e tutje me formacionin 4-3-1-2, për të nxjerr më të mirën nga tre sulmuesit përpara.
Villareal vs Barcelona
Setien e ka rikthyer në formacionin bazë Antoine Griezmannin, që do të ndihmojë përpara Luis Suarezin e Lionel Messin.
Raportohet se ky sistem i lojës nuk është ndërtuar vetëm që treshja përpara të jetë e rrezikshme, por edhe krahët e mbrojtjes të futen në të.
Nga aty, sistemi mund të ndryshojë në 4-3-3, e që shpresojnë që diferencën në katër pikë ndaj Real Madridit të zvogëlojnë dhe të tentojnë që në katër xhirot e fundit të fitojnë La Ligan.
