Presidenti i Brescias tregon momentin kur tentuan ta grabisin: U mbulova me gjak - Bota Sot
Presidenti i Brescias tregon momentin kur tentuan ta grabisin: U mbulova me gjak

Futboll

Presidenti i Brescias tregon momentin kur tentuan ta grabisin: U mbulova me gjak

Më: 14 korrik 2020 Në ora: 22:39
Masimo Celino

Presidenti i Brescias, Masimo Celino, ra pre e një grabitje të dhunshme pasditen e së dielës.

Dy persona e sulmuan para një supermarketi. Synimi i grabitësve ishte ora që Celino mbante në dorë.

Ai arriti të shmangte grabitjen, pas reagoi shpejt, por nuk shpëtoi pa pasoja, teksa dëmtoi hundën, ndërkohë që fytyra e tij u mbulua me gjak.

Ndërkohë së fundmi në një prononcim për mediat italiane, ai rrëfeu gjithë ngjarjen e ndodhur, duke u shprehur:

“Po hyja në makinë dhe pashë para meje një person në motor, me kaskë dhe një maskë në fytyrë. Kur hapa makinën, u hapën edhe pasqyrat dhe pashë një person tjetër që po vinte nga pas me kaskën në dorë.

Pata kohën e mjaftueshme për të reaguar, të kthehesha dhe të kapja kaskën për të evituar që të më godiste në kokë me të. Nuk e kisha kuptuar se isha lënduar, e kam kuptuar vetëm kur u ktheva në shtëpi, nga fytyra e gruas time kur më pa.

Aty e kuptova që kishte diçka që nuk shkonte. Isha i gjithi i mbuluar me gjak në fytyrë, me disa gërvishtje dhe dhimbjen në hundë. Nuk më kujtohet as kur u lëndova, nëse ndodhi gjatë kacafytjes me një nga grabitësit apo nëse u përplasa me derën e makinës. Isha aq i inatosur, sa hipa në makinë dhe u largova pa bërë as denoncimin”, u shpreh ai.

Shfaq komentet
comments powered by Disqus
Sot mund të lexoni Shfletoni kopertinat