Më në fund është skalitur emri i Liverpoolit në trofeun e Ligës Premier.
The Reds kishin pritur më shumë se 30 vite që të merrnin në duar trofeun më të madh në futbollin anglez.
Jurgen Klopp arriti që me skuadrën e tij të thyejnë dominimin e dyfishtë të Manchester Cityt në Ligën Premier, për t’u shpallur kampion.
Liverpooli filloi festimin e titullit në fund të muajit të kaluar, pasi Chelsea fitoi ndaj Citizens.
Nga kjo humbje e Cityt, diferenca në pikë shkoi në plus 23 mes The Reds dhe skuadrës që drejtohet nga Pep Guardiola.
Pas tri dekadash, Liverpooli u shpall kampion, ndërsa tani i është vendosur emri në trofe.
