Vetëm pak ditë pasi konfirmoi 6 raste me Koronavirus në skuadër, situata te Dinamo e Bukureshtit tani është përkeqësuar.
Së fundmi klubi rumun ka konfirmuar plot 19 raste pozitive me virus, mes lojtarëve dhe stafit teknik.
Në këtë rast është anuluar përsëri ndeshja me Çindian, e cila shtyhet për herë të dytë, pasi në fillim ishte planifikuar të luhej 1 muaj më parë, por rastet e para në skuadër bënë që ndeshja të mos zhvillohej.
Tashmë me 19 rastet e fundit, situata është përkeqësuar më shumë te klubi rumun dhe rrezikohet kampionati, duke parë që edhe Rumania kohët e fundit ka pasur një numër në rritje të prekurish me Koronavirus dhe rreziku është i lartë.
