Maurizio Sarri mund të vendos një rekord interesant në Serie A.
Trajneri i Juventus, Sarri, mund të bëhet trajneri më i vjetër që arrin të fitojë ‘Scudetton’.
Me 61 vite dhe gjashtë muaj mbi supet e tij, Maurizio Sarri pritet të jetë trajneri më i vjetër që fiton titullin e kampionit në Serie A.
Gjithçka që i duhet trajnerit italian është një fitore e skuadrës së tij sonte kundër Sampdoria.
‘Biankoneri’ mund të vendosin edhe rekorde të tjera me një fitore sonte, por kjo me Sarri duket më interesantja.
Trajneri më i vjetër që ka fituar një Serie A deri më tani është Nils Liedholm, me skuadrën e Romës në vitin 1983, si 60 vjeçar + shtatë muaj.
Mbetet të shihet nëse Sarri sonte do të zyrtarizohet si fitues i ‘Scudetto’.
