Mediumet britanike i kanë zbuluar shumat e parave që i kanë humbur klubet e Premierligës që nga marsi, kur sezoni u ndërpre dhe më pastaj u vendos që ndeshjet të zhvillohen pa tifozë. Manchester City ka humbur më së shumti para.
Manchester City raportohet t’i ketë humbur plot 23.9 milionë funte shkaku i krizës së sjellë nga koronavirusi, sipas Business Rescue Expert.
Rivali i qytetit i Citizens, Manchester Unitedi, radhitet i dyti në këtë listë, me 17.7 milionë funte të humbura.
Dallimi mes Manchester Cityt dhe klubeve të tjera të Premierligës është kaq i madh pasi që djemtë e Pep Guardiolës kishin më së shumti ndeshje të mbetura si vendas për t’i zhvilluar, që do të thotë se humbën më së shumti nga mungesa e tifozëve në stadiume.
Në anën tjetër, Arsenali i ka humbur 12 milionë funte, ndërsa Chelsesa 8.6 milionë, pasi që dy klubet londineze i patën vetëm katër ndeshje të mbetura si vendas kur rinisi sezoni pa tifozë në stadiume.
Sa para humbi secili klub i Premierligës shkaku i Covid-19?
1. Man City (£23.9 milionë)
2. Man United (£17.7 milionë)
3. Liverpool (£12.8 milionë)
4. Tottenham (£12.6 milionë)
5. Newcastle (£12.1 milionë)
6. Arsenal (£12 milionë)
7. West Ham (£11.2 milionë)
8. Everton (£9 milionë)
9. Chelsea (£8.6 milionë)
10. Aston Villa (£7 milionë)
11. Sheff United (£6.2 milionë)
12. Leicester (£6.2 milionë)
13. Southampton (£6.1 milionë)
14. Wolves (£5.7 milionë)
15. Brighton (£5.6 milionë)
16. Norwich (£5.5 milionë)
17. Crystal Palace (£5 milionë)
18. Watford (£4.4 milionë)
19. Burnley (£4 milionë)
20. Bournemouth (£2.2 milionë)