Cagliari e ka mposhtur Juventusin 2-0 në kuadër të javës së 37-të në Serie A.
Pas vetëm tetë minutash lojë, vendasit kaluan në epërsi me anë të Luca Gagliano që u asistua nga Mattiello.
Në prag të përfundimit të pjesës së parë, Giovanni Simeone (45+2’) e shënoi golin e dytë për Cagliarin, derisa Gagliano ishte tani në rolin e asistuesit.
Juventusi në pjesën e dytë tentoi të ndryshonte rrjedhën e takimit, mirëpo e kishin të pamundur.
Cristiano Ronaldo kishte disa shanse të mira shënimi, por edhe në disa raste u treguar shumë vetjak, duke mos pasuar te bashkëlojtarët.
Nga kjo gjë, Zonja e Vjetër pësoi humbje ndaj Cagliarit, por fitorja nuk do u kryente shumë punë, pasi tashmë janë shpallur kampion të Serie A-s për të nëntë herë më radhë.
Juventusi është lider me 83 pikë, dhe nga kjo ndeshje vetëm Ronaldo tentoi të përfitonte, pasi ishte në garë për Këpucën e Artë Evropiane, mirëpo tani ajo do përcaktohet vetëm mes Roberto Lewandowskit dhe Ciro Immobiles që kanë nga 34 gola.
