Një armatë e sportistëve (me mijëra sportistë) u mobilizuan kush më shumë e kush me pak, duke dhënë shumëçka nga vetja për ta mbajtur gjallën sportin në vitet e 90-ta (1991-1999) dhe të cilët ia dolën me sukses të madh.
Besim Ademi i takon Gjeneratës së Republikës. Ademi ka qenë futbollist cilësor, i cili me shumë shokë sakrifikuan shumë.
Ai u angazhua maksimalisht, nuk u ndal asnjëherë dhe as nuk u tremb nga shantazhet e kërcënimet që vinin atëkohë nga pushtuesi serb.
Ademi është i lumtur që sot Kosova është shtet i pavarur, i njohur ndërkombëtarisht dhe ka një Kombëtare të fortë të futbollit, po ashtu edhe djem e vajza që luajnë në stadiume e palestra sportive, pa frikë se mund të sulmohen nga agresori serb siç ka ndodhur në vitet e 90-ta.
